“अल्फा लावल’च्या कंत्राटी कामगारांचा प्रश्‍न जटील

कामगार संघटनेकडून दिशाभूल : कंपनी व्यवस्थापनाचा दावा

पिंपरी – अल्फा लावल कंपनीतील कंत्राटी कामगारांबाबत सकारात्मक निर्णय घेण्याचे लेखी आश्वासन देऊनही कंपनीने ते पाळले नसल्याचा राष्ट्रीय श्रमिक आघाडीने केलेला आरोप खोटा व पूर्णतः दिशाभूल करणारा आहे. कंपनीतील कंत्राटी कामगारांसंबंधीचा वाद सध्या न्यायप्रविष्ट असल्याने, त्याबाबत आश्वासन देण्याचा प्रश्नच उद्‌भवत नाही, त्यामुळे कंपनीने असे कोणतेही आश्वासन दिलेले नाही, असे अल्फा लावल व्यवस्थापनाने प्रसिद्धीस दिलेल्या निवेदनात स्पष्ट केले आहे. त्यामुळे कामगारांमध्ये संभ्रमावस्था असून हा प्रश्‍न जटील होत चालला आहे.