कचरा व्यवस्थापन न झाल्यास नागरिकांच्या आरोग्याला धोका – आयुक्‍त हर्डीकर

चौफेर न्यूज –  पिंपरी-चिंचवड शहरातील कचरा व्यवस्थापनाच्या निविदा प्रक्रियेतील त्रुटी दूर करून नवीन निविदा प्रक्रिया राबविण्याचे काम अंतिम टप्प्यात आहे. परंतु, घरोघरचा कचरा गोळा करुन डेपोपर्यंत वाहून नेणे आणि शहरातील रस्ते व गटर्स साफसफाई आठ प्रभागात प्रत्येकी एक एजन्सी नेमण्यात येणार आहे. त्यामुळे त्या सर्व कामाची निविदा प्रक्रिया पुर्ण होईपर्यंत पूर्वीच्या ठेकेदारांना मुदतवाढ देणे आवश्‍यक होते. जर मुदतवाढ दिली नसती तर शहरातील सगळा कचरा जागोजागी ठप्प होवून आरोग्याचे प्रश्‍न निर्माण झाले असते, अशी कबुली आयुक्त श्रावण हर्डीकर यांनी दिली.