हिंजवडीसाठी जानेवारीत पर्यायी रस्ता?

पुणे महानगर प्रदेश विकास प्राधिकरणाच्या (पीएमआरडीए) म्हाळुंगे येथील प्रस्तावित नगररचना योजनेसाठी (टीपी स्कीम) जमीन मोजणी सुरू झाली असून, पुढील वर्षीच्या सुरुवातीपर्यंत हिंजवडीला जाण्यासाठी पर्यायी रस्ता उपलब्ध होण्याची चिन्हे आहेत. म्हाळुंगेतील ९५ टक्के जमीन मालकांनी जमीन मोजणीस सहमती दर्शवली असून, उर्वरित ग्रामस्थांच्या शंका लवकरच दूर करण्यात येतील, असे पीएमआरडीएने स्पष्ट केले.