राष्ट्रवादीच्या ‘जन हाहाकार’ आंदोलनाला उत्स्फूर्त प्रतिसाद

पिंपरी (प्रतिनिधी):-  भाजप सरकार सत्तेत आल्यापासून प्रचंड महागाई वाढली आहे. पेट्रोल, डिझेल, घरगुती गँस तसेच जीवनावश्यक वस्तूंच्या किमतीत भरमसाठ वाढ झाली आहे. शहरातील अनधिकृत बांधकामे, शास्तीकर, रेडझोन, रिंगरोडचा प्रश्न प्रलंबित आहे. भाजप सरकार सर्वच स्तरावर अपयशी ठरले आहे. या वाढत्या महागाईच्या विरोधात पिंपरी चिंचवड शहर राष्ट्रवादी काँग्रेसकडून अजित पवारांच्या नेतृत्वाखाली आज ‘जन हाहाकार’ आंदोलन काढण्यात आले. या आंदोलनाला उत्स्फूर्त प्रतिसाद मिळाला असल्याचे पहायला मिळाले.