जलतरण सुरक्षा रक्षकांचा प्रामाणिकपणा

पिंपरी – नेहरूनगर येथील महापालिका जलतरण तलाव परिसरात व्यायाम करण्यास आलेल्या युवकांचे रविवारी (दि. 1) पाकीट हरविले होते. त्या पाकीटात महत्त्वाची कागदपत्रे आणि काही रोख रक्कम होती. ते तेथील सुरक्षा रक्षकांस सापडले. मात्र, प्रामाणिक सुरक्षा रक्षकाने ते पाकिट संबंधित युवकास परत केले. त्यानंतर बक्षीस स्वरूपात देऊ केलेली रक्कमही सुरक्षा रक्षकाने नाकारली आहे. त्या सुरक्षा रक्षकांच्या प्रामाणिकपणाचे कौतुक होत आहे.