भाजपने घेतला अजितदादांचा ‘धसका’.. दादांच्या ‘त्या’ बैठकीनंतर भाजपकडूनही अधिकाऱ्यांची बैठक…!

पिंपरी (प्रतिनिधी):- पिंपरी चिंचवड महापालिकेत सत्तापालट झाल्यानंतर गेल्या सहा महिन्यात सत्ताधारी भाजप सपशेल अपयशी ठरली आहे. शहरात कचरा समस्या, दूषित व अनियमित पाणी पुरवठा, साथीच्या आजाराचा वाढलेला प्रादूर्भाव, जुने प्रकल्प रखडले, नवीन विकासकामांचा थांगपता नाही. अशा परिस्थितीत राष्ट्रवादीचे नेते अजितदादा पवार यांनी महापालिकेत बैठक घेत प्रशासनाला जाब विचारला. अजितदादांच्या ‘त्या’ बैठकीनंतर भाजप पदाधिकार्यांनी चांगलाच ‘धसका’ घेतला आहे. त्यामुळे खडबडून जागे झालेल्या सत्ताधार्यांनी आज महापालिकेत विभाग प्रमुखांची तातडीची एकत्रित बैठक घेत झाडाझडती केली.