रेड्या, म्हशींच्या मिरवणुकीने चिंचवडमध्ये सगर उत्सव साजरा

पिंपरी – दिवाळी पाडव्याच्या दिवशी साजरा होणारा सगर उत्सव शनिवारी (दि.21) मोहननगर, चिंचवडमध्ये उत्साहात पार पडला. सगरची प्रथा परंपरा जपत मोहननगर परिसरात रेडे व म्हशींची मोठ्या उत्साहात मिरवणूक काढण्यात आली होती. सवाद्य मिरवणुकीमुळे हा परिसर दुमदुमुन गेला होता. गवळी समाजातील शेकडो कार्यकर्ते मिरवणुकीत सहभागी झाले होते.