दिवाळी फराळाच्या निमित्ताने पिंपरीतले राजकीय फटाके एकत्र…! दिशा सोशल फाउंडेशनने जुळवला योग…!

पिंपरी (प्रतिनिधी):- एरवी पिंपरी चिंचवड मधले सर्व स्थानिक नेते एकमेकांवर आरोप करण्यात दंग असतात. पण आज हे सर्व स्थानिक नेते एकत्र आले, निमित्त होतं दिशा सोशल फाउंडेशन आयोजित दिवाळी फराळाचे. या दिवाळी फराळाच्या निमित्ताने शहरातले हे राजकीय फटाके एकत्र आले होते. पण यावेळी वेळेचे आणि प्रसंगाचे भान राखत या फटाक्यांनी एकमेकांवर वाजण्याचे काम केले नाही. पण कोपरखळ्यांनी ही मैफिल दिवाळीच्या फराळासारखी चांगलीच खुसखुशीत झाली.