पीएफची थकीत रक्कम ४६ कोटींवर

पिंपरी - हिंदुस्तान ॲन्टिबायोटिक्‍स (एचए) कंपनीतील कर्मचाऱ्याचा भविष्य निर्वाह निधी (प्रॉव्हिडंट फंड, पीएफ), त्यावरील व्याज आणि अन्य थकीत रकमेचा आकडा ४६ कोटी ६१ लाखांवर पोचला आहे. ही थकीत रक्‍कम वसूल करण्यासाठी प्रॉव्हिडंट फंड कार्यालयाने बोर्ड ऑफ इंडस्ट्रिअल ॲण्ड फायनान्शिअल रिकन्स्ट्रक्‍शन (बीआयएफआर) यांच्याकडे प्रस्ताव पाठवला होता. मात्र, केंद्र सरकारने नोव्हेंबर २०१६ मध्ये ही संस्था बंद केल्यामुळे हा प्रस्ताव नॅशनल कंपनी लॉ ट्रायब्यूनलकडे वर्ग करण्यात आला असून त्यांच्याकडे या प्रस्तावावर सुनावणी होणार आहे.