कागदपत्रात फेरफार करुन बेकायदा बांधकाम?

पिंपरी – पिंपळे गुरव येथे एका राजकीय नेत्यांच्या वरदहस्तातूने सर्व्हे क्रमांक 87/3 मधील कागद पत्रांमध्ये फेरफार करुन मृत व्यक्‍तींच्या नावावर कागदपत्र बनवून बेकायदा बांधकाम करण्यात येत आहे, याविषयी संबंधित बांधकाम व्यावसायिका विरोधात अतुल काशिद यांनी “आपले सरकार’ या “पोर्टल’वर तक्रार केली आहे. तसेच, तलाठी, मंडल अधिकारी, अप्पर तहसिलदार आणि महापालिका बांधकाम विभागाच्या अधिकाऱ्यांच्या हा प्रकार निदर्शनास आणून दिला, याकडे अधिकारी दुर्लक्ष करु लागल्याने राज्य लोकायुक्‍त आणि आपले सरकार वेबपोर्टलवर तक्रार न्याय मागितला आहे. याप्रकरणी हवेलीच्या उपविभागीय अधिकाऱ्यांनी तक्रारीत तथ्य असल्याचे सांगत याप्रकरणी पुनरावलोकन करण्याचे आदेश दिले आहेत.