रेडझोनमुळे विकास ठप्प

पिंपरी - तळवडे आयटी पार्कमध्ये बारा मोकळे भूखंड असले, तरी रेडझोनच्या प्रश्‍नामुळे एमआयडीसीला ते उद्योग विस्तारासाठी कोणालाही देता येत नसल्याचे वास्तव समोर आले आहे. रेडझोनमुळे या ठिकाणचा विकास ठप्प झाला असून, त्या संदर्भात महाराष्ट्र औद्योगिक विकास महामंडळाने संरक्षण मंत्रालयाच्या सचिवांशी पत्रव्यवहार केला असला, तरी त्यावर अद्याप काहीही निर्णय झालेला नाही.