शहरात अनधिकृत फलकांचे सर्वेक्षण सुरु

पिंपरी – शहरात अनधिकृतपणे चौकात, बाजारपेठेत, सार्वजनिक गजबजलेल्या ठिकाणी वाढदिवस, खासगी कार्यक्रम, उपक्रम आणि व्यवसायिक जाहिराती लावून शहराचे विद्रुपीकरण होवू लागल्याने स्थायी सभेत अधिकाऱ्यांना धारेवर धरले होते. त्यानंतर आयुक्‍तांच्या आदेशाने शहरातील सर्व फलकांचे सर्वेक्षण सुरु केले असून येत्या दोन महिन्यात अनधिकृत फलक नेमकं किती याबाबत चौकशी अहवाल आयुक्‍तांकडे सादर करण्यात येणार आहे.