पिंपरी महापालिकेच्या राजकारणात भाजप-राष्ट्रवादी ‘आमने-सामने’ येणे अपेक्षित असताना, भाजप-शिवसेनेतच कलगीतुरा रंगलेला आहे. नऊ महिन्यांपूर्वीच्या पालिका निवडणुकांचे संघर्षांचे वातावरण अद्याप निवळले नाही. भाजप-शिवसेनेत आगामी विधानसभा, लोकसभेच्या निवडणुकांची व्यूहरचना सुरू झाली आहे. चिंचवड, पिंपरी, भोसरी या तीनही विधानसभा आणि मावळ व शिरूर या दोन्ही लोकसभा मतदारसंघांवर आपले वर्चस्व निर्माण करण्याचा भाजपचा प्रयत्न आहे. तर, त्या ठिकाणी आपले अस्तित्व कायम ठेवण्यासाठी शिवसेनेची लढाई आहे. यामुळेच निवडणुकांचे पडघम सुरू होण्यापूर्वीच भाजप आणि शिवसेनेमध्ये वर्चस्वाची कुरघोडी सुरू झाल्याचे चित्र दिसून येत आहे.
No comments:
Post a Comment