“स्वच्छ’ स्पर्धेचा निकाल जाहीर

पिंपरी – स्वच्छ भारत अभियानांतर्गत होणाऱ्या सर्व्हेक्षणात कायम टिकून राहण्यासाठी महापालिकेतर्फे घेण्यात आलेल्या स्वच्छ हॉटेल्स, शाळा, रुग्णालय, गृह निर्माण संस्था, मोहल्ला मार्केट, मंडई अशा सहा गटांमध्ये स्पर्धेत सहा गृह निर्माण संस्था, पाच शाळा, सहा हॉटेल्स, तीन रुग्णालयांनी प्रथम क्रमांक मिळवला. केंद्र शासनाच्या स्वच्छ भारत अभियानांतर्गत होणाऱ्या स्वच्छ सर्वेक्षणात अव्वल ठरण्यासाठी महापालिकेने हॉटेल, शाळा, रुग्णालय, गृह निर्माण संस्था, मंडई यांना सहभागी करून घेतले. त्यामध्ये परिसर स्वच्छता, शौचालय सुविधा, स्वच्छता साधनांचा वापर, ओला व सुका कचरा कचरा वर्गीकरण, पायाभूत सुविधा, स्वच्छता ऍप डाऊनलोड हे निकष ठेवण्यात आले होते.