“पवनाथडी’वरुन भाजप-राष्ट्रवादीत “तमाशा’

पिंपरी – पवनाथडी जत्रेच्या आयोजनावरुन सत्ताधारी भाजप आणि विरोधी राष्ट्रवादी कॉंग्रेसमध्ये चांगलीच जुंपली आहे. पवनाथडीतील काही कार्यक्रम रद्द करण्यास राष्ट्रवादी कॉंग्रेसचे शहराध्यक्ष संजोग वाघेरे यांनी विरोध केल्यानंतर भाजप शहराध्यक्ष आमदार लक्ष्मण जगताप यांनी वाघेरे यांचा हा विरोध म्हणजे बनाव असल्याचा आरोप केला. त्याला वाघेरे यांनी पुन्हा प्रत्युत्तर देत भाजपने भ्रष्टाचार लपवण्यासाठी पवनाथडीवर संक्रांत आणल्याचा नवा आरोप केला आहे. या आरोप-प्रत्यारोपामुळे शहरवासीयांची चांगलीच करमणूक होत आहे.