महापालिकेच्या आठ क्षेत्रीय कार्यालयांना गडकिल्ल्यांची नावे द्या; आमदार लक्ष्मण जगताप यांची मागणी

पिंपरी-चिंचवड महापालिकेच्या प्रशासकीय कामकाजाचे विकेंद्रीकरण करण्याच्यादृष्टीने सुरू करण्यात आलेल्या आठ क्षेत्रीय कार्यालयांना गडकिल्ल्यांची नावे देण्यात यावीत, अशी सूचना भाजप शहराध्यक्ष व आमदार लक्ष्मण जगताप यांनी महापालिका आयुक्त श्रावण हर्डीकर यांना केली आहे. त्याबाबत त्यांनी महापालिकेला निवेदन दिले असून, आयुक्त हर्डीकर यांनी प्रभाग कार्यालयांना गडकिल्ल्यांची नावे देण्यासाठी प्रशासकीय कार्यवाही लवकरच पूर्ण करण्यात येणार असल्याचे सांगितले आहे. त्यामुळे महापालिकेची आठ प्रशासकीय कार्यालये लवकरच गडकिल्ल्यांच्या नावाने ओळखली जाणार आहेत.