बीआरटीच्या बस थांब्यावरील साहित्यांची चोरी

पिंपरी – निगडी- दापोडी मार्गावर लवकरच बीआरटीएस बससेवा सुरू करण्यात येणार आहे. त्या मार्गावरील किरकोळ कामे महापालिकेने उरकली आहे. तसेच मार्गावरील सर्व बसथांबे पीएमपीच्या ताब्यात दिले आहेत. या मार्गावर नव्याने कोट्यवधी रुपये खर्चून तयार केलेल्या बसथांब्यावरील साहित्यांची चोरी झाली आहे. या प्रकरणी पीएमपी प्रशासनाने पिंपरी पोलीसांकडे तक्रार केली असून महापौर नितीन काळजे यांनी बसथांब्याच्या चो-या थांबविण्यासाठी पोलीस उपायुक्तांना पत्र दिले आहे.