घरपोच गॅस सिलिंडर नियमाला एजन्सीजकडून बगल

‘कॅश अॅण्ड कॅरीची रक्कम’ एजन्सीच्या खिशात : सिलेंडर मिळवण्यासाठी ग्राहकांची पळापळ

पुणे – गॅस सिलिंडर घरपोच देणे गॅस एजन्सींना बंधनकारक असतानाही शहरातील काही एजन्सींकडून या नियमाचे पालन होताना दिसत नाही. ग्राहकांना स्वत: गॅस एजन्सीमध्ये जाऊन सिलिंडर घेऊन यावा लागतो. ग्राहकाने एजन्सीमधून सिलिंडर आणला तर कॅश अॅण्ड कॅरीचे 18 रुपये 50 पैसे परत मिळण्याचा अधिकार ग्राहकांना असताना एजन्सीकडून या नियमाला सोयीस्कररित्या बगल दिली जात आहे. एजन्सी कॅश अॅण्ड कॅरीची रक्कम कमी करत नाही. यामुळे सर्रास लुट सुरू असल्याचे दिसून येते.