वाहनचालकांना ‘अॅप’चा ‘जॅमर’

वाहतूक पोलिसांनी 'सीसीटीव्ही'द्वारे कारवाई करीत पाठविलेल्या ई-चलनाकडे दुर्लक्ष करणाऱ्या वाहनचालकांना धडा शिकविण्यासाठी मोहीम हाती घेतली आहे. नाकाबंदी करून वाहतूक पोलिसांच्या अॅपद्वारे वाहनचालकांची तपासणी करण्यात येत असून, दंड थकीत असलेल्यांकडून त्याच क्षणी दंडाची रक्कम वसूल केली जात आहे. या मोहिमेअंतर्गत गेल्या सहा दिवसांत आठ हजार ३३० वाहनचालकांकडून ३० लाख ५२ हजार ७५० रुपयांचा दंड वसूल करण्यात आला आहे.