तीस रुपयांत चहा-नाश्त्याला प्रतिसाद

एसटीच्या वतीने सुरू करण्यात आलेल्या केवळ तीस रुपयांमध्ये चहा व नाश्ता या उपक्रमास अल्पावधीतच उत्स्फूर्त प्रतिसाद मिळाला आहे. जुलै 2016 मध्ये या उपक्रमास सुरुवात करण्यात आली. दीड वर्षांत एक लाखाहून अधिक प्रवाशांनी या योजनेचा लाभ घेतला असल्याची आकडेवारी एसटीच्या वतीने देण्यात आली. एसटीच्या अधिकृत थांब्यांवर तीस रुपयांमध्ये शिरा, पोहे, उपमा, वडा पाव, इडली, मेदू वडा यापैकी एक पदार्थ आणि चहा मिळत असून, महामंडळाची नाश्ता लूट थांबवणारी प्रवासी योजना असे तिचे नाव आहे.