राज्यातील रस्ते 15 डिसेंबरपर्यंत खड्डेमुक्त करण्याची मुदत राज्याच्या सार्वजनिक बांधकाममंत्र्यांनी दिली होती; परंतु ही मुदत उलटून दोन महिन्यांपेक्षा अधिक कालावधी उलटून गेला, तरी रस्ते खड्डेमयच आहेत. तीच परिस्थिती पिंपरी-चिंचवड शहरात पाहायला मिळत आहे. काही दिवसांपूर्वी संपूर्ण शहर खड्डेमुक्त केल्याचा दावा सत्ताधारी व महापालिकेच्या वतीने करण्यात आला होता. प्रत्यक्षात मात्र संपूर्ण शहरात याउलट परिस्थिती आहे. विकासकामांसाठी खोदलेल्या रस्त्यांची अद्याप दुरुस्ती करण्यात आली नसून, या खड्ड्यांमुळे अपघातसदृश स्थिती निर्माण झाली आहे. त्यामुळे वाहनचालकांना वाहन चालवणे मुश्कील झाले असून, हे खड्डे कधी बुजवणार, असा संतप्त सवाल वाहनचालक करत आहेत.
No comments:
Post a Comment