वायसीएमला स्वस्त दरात वीज?

पिंपरी - महापालिकेची मालकी असणाऱ्या यशवंतराव चव्हाण स्मृती रुग्णालयात सर्वत्र वातानुकूलित सुविधा उपलब्ध झाली, कायमस्वरूपी गरम पाण्याची सुविधा मिळाली, स्वस्त दरातल्या विजेचा वापर करता आला तर या रुग्णालयाचे रूपच पालटले जाईल. महाराष्ट्र नॅचरल गॅस लिमिटेडने (एमएनजीएल) नॅचरल गॅस बेस पॉवर जनरेशनच्या माध्यमातून या सर्व सुविधा देणे शक्‍य असून या संदर्भातील प्रस्ताव पिंपरी-चिंचवड महापालिकेला पाठविल्याचे एमएनजीएलचे व्यवस्थापकीय संचालक अरविंद तांबेकर यांनी सांगितले.