ड्रेनेज चेंबर फोडणाऱ्यावर गुन्हा दाखल

सांगवी – नदीच्या काठाहून मैला शुद्धीकरण केंद्राकडे जात असणाऱ्या ड्रेनेज लाईनचा चेंबर फोडून सर्व मैलापाणी मुळा नदीत सोडण्याचे कृत्य गेल्या बऱ्याच दिवसांपासून घडत आहे. मैला शुद्धीकरण केंद्रात एक थेंबही पाणी न सोडता सर्व मैलापाणी नदीत सोडण्याच्या या कृत्याला दैनिक प्रभात ने प्रकाशित केले. याबाबत मनपा अधिकाऱ्याने ड्रेनेज चेंबर फोडणाऱ्या अज्ञात इसमाविरुद्ध सांगवी पोलीस ठाण्यात गुन्हा दाखल केला आहे.