उपनगरांमध्ये खासगी बसची घुसखोरी

पिंपरी उपनगर टीम – शहर व उपनगर परिसरात बेकायदेशी वाहतूक आता जवळपास बेलगाम झाली आहे. केवळ सामान्य नागरिकांच्या कागदपत्रांची कसून तपासणी करणाऱ्या वाहतूक पोलीस विभाग आणि आरटीओने बेकायदेशीर प्रवासी वाहतूक करणाऱ्या खासगी बस आणि अन्य वाहनांकडे सपशेल डोळेझाक करत आहेत. त्यातच अलीकडेच झालेल्या एसटी कर्मचाऱ्यांचा संप खासगी वाहतुकदारांच्या जणू काही पथ्यावरच पडला आहे.