महापौर, पक्षनेते बदलाच्या हालचाली सुरू

पिंपरी-चिंचवड महापालिकेतील महापौर नितीन काळजे व सत्तारूढ पक्षनेते एकनाथ पवार यांना बदलण्याच्या हालचाली भारतीय जनता पक्षाच्या अंतर्गत सुरू झाल्या आहेत. त्यादृष्टीने हालचालींनी वेग घेतला असून, याबाबत येत्या आठवड्यात मुंबईत मुख्यमंत्री देवेंद्र फडणवीस व प्रदेशाध्यक्ष खासदार रावसाहेब दानवे यांच्यासोबत शहरातील भाजपच्या ‘कोअर कमिटी’ची बैठक होणार असल्याचे विश्‍वसनीयरीत्या समजते.