तळवडे डिअर पार्कसाठी जिल्हाधिकारी सकारात्मक

बर्‍याच वर्षांपासून रखडला आहे प्रकल्प : अनेकदा झाला पाठपुरावाआमदार महेश लांडगे यांच्या उपस्थितीत झाली बैठक

पिंपरी-चिंचवड : मागील अनेक वर्षापासून तळवडे येथील डिअर सफारी पार्क चे रखडले आहे. यासाठी स्थानिक आमदार ते नगरसेवक पाठपुरावा करत आहेत. मात्र आतापर्यंत विविध विषयावरून हा प्रकल्प रखडला आहे. हा प्रकल्प लवकरात-लवकर मार्गी लावण्यासाठी अनेक वेळा नगरसेवकांनी पाठपुरावा केला आहे. नुकतेच 13 जून रोजी आमदार महेश लांडगे यांच्या उपस्थितीत जिल्हाधिकारी राम किशोर नवल, आयुक्त श्रावण हार्डीकर, यांच्यासोबत अनेक अधिकारी उपस्थित होते. हा प्रकल्प लवकर होण्यासाठी अधिकारी सकारात्मक असल्याचे आ.लांडगे यांनी सांगितले.