चापेकरांनी चेतविले स्फुल्लिंग - मुख्यमंत्री

पिंपरी - ‘‘क्रांतिवीर चापेकर बंधूंनी तरुणांच्या मनामध्ये देशभक्ती व क्रांतीची ज्योत प्रज्वलित केली. क्रांतीचे स्फुल्लिंग चेतविले. त्यातून अनेक क्रांतिकारकांना प्रेरणा मिळाली. त्यामुळे स्वातंत्र्याची बिजे रोवली गेली. त्यांच्या नावाने संग्रहालय होत आहे. त्यात देशातील क्रांतिकारक व महापुरुषांचा इतिहास असेल,’’ असे प्रतिपादन मुख्यमंत्री देवेंद्र फडणवीस यांनी सोमवारी (ता. २३) केले.