बदली झालेल्या अधिकारी, कर्मचाऱ्यांना न सोडण्याचे आदेश

पिंपरी : अमोल येलमार : पोलीसनामा ऑनलाईन

पिंपरी-चिंचवड पोलीस आयुक्तालय सुरु होण्याच्या आदल्या दिवशी पुणे शहर आणि पुणे ग्रामीण पोलिसांकडून आयुक्तालयासाठी मनुष्यबळ मिळाले. मात्र यावेळी सध्या आयुक्तालयात आलेल्या पोलीस ठाण्यात कार्यरत असलेल्या पोलीस ठाण्यातील कामात चांगले असणारे अधिकारी व कर्मचारी काढून घेण्यात आले. यामुळे या अधिकाऱ्यांनी जायचे कुठे हा प्रश्न दहा दिवस झाला सुरु आहे. अखेर बदल्या झालेल्या अधिकारी आणि कर्मचाऱ्यांना सोडू नये असे आदेश पिंपरी-चिंचवड पोलीस आयुक्तालयाचे अतिरिक्त आयुक्त मकरंद रानडे यांनी दिले आहेत. त्यामुळे तूर्तास तरी हा प्रश्न सुटला असे शहर पोलीस म्हणत आहेत. मात्र या आदेशात पुणे ग्रामीणचा काही उल्लेख नसल्याने अधिकारी, कर्मचाऱ्यांमध्ये संभ्रमावस्था निर्माण झाली आहे.