चिंचवड परिसरातील पाणीपुरवठा झाला विस्कळीत

नगरसेविका चिंचवडे यांनी केला निषेध 

पिंपरी : पिंपरी-चिंचवडकरांची तहान भागविणारे पवना धरण 100 टक्के भरुन देखील शहरवासियांना मुबलक पाणीपुरवठा होत नाही. चिंचवड परिसरातील पाणीपुरवठा गेल्या अनेक दिवसांपासून विस्कळीत झाला आहे. सणासुदीच्या काळात देखील पुरेशा दाबाने पाणीपुरवठा होत नसल्याने संताप व्यक्त करत शिवसेनेच्या नगरसेविका अश्‍विनी चिंचवडे यांनी महासभेत पाणीपुरवठा विभागाच्या अधिकार्‍यांचा निषेध केला. त्यामुळे परिसरात समान व पुरेशा दाबाने पाणीपुरवठा करण्याच्या सूचना पाणीपुरवठा विभागाला द्याव्यात, अन्यथा महिला रस्त्यावर उतरून तीव्र आंदोलन करतील, असा इशाराही नगरसेविका चिंचवडे यांनी दिला.