पिंपरी-चिंचवड बेशिस्त वाहतुकीचे शहर

पिंपरी-चिंचवड शहराचे गावपण आजून गेलेले दिसत नाही. शहरातील नेत्यांच्या कार्यकर्त्याच्या काळ्या फिल्ममिंग असणाऱ्या गाड्या चौकातही सुसाट असतात. त्यांना वाहतुकीचे नियम माहीतच नसतात यामुळे इतरही वाहन चालक वाहतुकीचे नियम मोडून वाहने तशीच रेमटवतात. यातच अकार्यक्षम वाहतूक पोलिसांची भर पडत होती. मात्र स्वतंत्र पोलीस आयुक्तालय झाले आणि आयुक्त म्हणून आर. के. पद्मनाभन यांनी पदभार स्विकारला. शहरातील वाहतूक समस्या गंभीर असल्याचे लक्षात आल्याने त्यांनी वाहतूक व्यवस्था सुरळीत करण्यासाठी सर्व यंत्रणा कामाला लावली अन शहरातील बेशिस्त वाहन चालकांचे सर्व प्रकार बाहेर आले.