‘पिंपरी चिंचवड-वन’ मोबाईल अॅप द्वारे नागरिकांना एकाच ठिकाणी मिळणार संपुर्ण शहरांची माहिती;अॅपचे महापौरांच्या हस्ते अनावर

पाणीपुरवठा, खोदकामामुळे रस्ता बंद, वाहतूक मार्गात बदल अशी प्रत्येक माहिती शहरवासियांना आता ‘पिंपरी चिंचवड-वन’ या अॅपद्वारे मिळणार आहे. महापालिकेने ‘पिंपरी चिंचवड-वन’ या नावाने मोबाईल अॅप कार्यन्वित केले आहे. या मोबाईल अॅप द्वारे नागरिकांना आवश्यक माहितीचे प्रसारण, संदेश, परिपत्रक, निवेदन इत्यादी स्वरुपाची सर्व माहिती एकाच अॅप द्वारे नागरिकांना सहजरित्या उपलब्ध होणार आहे. या अॅपचे महापौर राहुल जाधव यांच्या हस्ते अनावरण करण्यात आले. यावेळी आयुक्त श्रावण हर्डीकर, सभागृह नेते एकनाथ पवार, नगरसेविका भीमाबाई फुगे, निर्मला गायकवाड, माहिती व तंत्रज्ञान अधिकारी निळकंठ पोमण उपस्थित होते.