मॉल-मल्टिप्लेक्सच्या वाहनांमुळे कोंडीत भर

शहरात मेट्रो आणि वादग्रस्त बीआरटीमुळे रस्ता अरुंद झाला असतानाच मॉल-मल्टिप्लेक्समध्ये येणाऱ्यांनी रस्त्यावर वाहने लावल्यामुळे वाहतूक कोंडीत भर पडत आहे. मॉल-मल्टिप्लेक्सच्या वाहनांमुळे कायमच कोंडी होत असून, पोलिसांकडून त्याकडे दुर्लक्ष होते. नवनियुक्त पोलिस आयुक्त आर. के. पद्मनाभन आणि दोन उपायुक्तांच्या कार्यालयजवळ होणाऱ्या कोंडीकडे वाहतूक विभागाचे निरीक्षक-कर्मचारी आता तरी लक्ष देतील का, असा संतप्त सवाल नागरिकांकडून उपस्थित केला जात आहे.