आज मध्यरात्रीपासून विमान प्रवास, एसी, वॉशिंग मशिन, फ्रीज महागणार

येत्या पाडव्याच्या मुहूर्तावर तुम्ही जर एसी, वॉशिंग मशिन, फ्रीज अशा वस्तू खरेदी करणार असाल तर ही बातमी तुमच्याकरिता महत्वाची आहे. कारण या वस्तू आता महाग होण्याची चिन्हे आहेत. केंद्र सरकारने 19 वस्तूंवरील आयात शुल्कात वाढ करण्याचा निर्णय बुधवारी घेतला. यामध्ये विमान इंधन, वातानुकूलन यंत्रणा (एसी), वॉशिंग मशिन आणि फ्रीजचा समावेश आहे. यामुळे या वस्तूंच्या खरेदीकरिता रक्कम मोजावी लागणार आहे.