पिंपरी-चिंचवडच्या पोलीस अधिकाऱ्यांना खटारे वाहने

पिंपरी चिंचवडचे नवीन पोलीस आयुक्तालय अनेक समस्याने ग्रासलेले आहे. अद्याप पुरेसे मनुष्यबळ उपलब्ध नाही तर हद्दीत गस्त घालण्यासाठी पुरेशी वाहने उपलब्ध नाहीत. विशेष म्हणजे वरिष्ठ अधिकाऱ्यांना दिलेली वाहने खटारा असून कुठेही आणि कधीही बंद पडतात. याचा फटका पोलीस उपयुक्तांनाही बसला आहे. याच आयुक्तल्याच्या शेजारील पुणे पोलिस आयुक्तांच्या ताफ्यामध्ये ८६६ वाहने असून पिंपरी-चिंचवड पोलीस आयुक्तालयासाठी फक्त ४४ वाहने आहेत. यावरून शासनाकडून नवीन पोलिस आयुक्तालयावर भेदभाव केला जात असल्याची टीका होत आहे.