चारशे पोलिस झाले कमी

पिंपरी - शहराला स्वतंत्र पोलिस आयुक्तालय मिळावे यासाठी अनेक वर्षांपासून सर्व पातळीवर प्रयत्न होत आहेत. मात्र, आयुक्तालय झाल्यानंतर त्यासाठी आवश्यक मनुष्यबळ आणि इन्फ्रास्ट्रक्चर देण्याबाबत पोलिस महासंचालक कार्यालय व सरकारची अनास्था आता दिसू लागली आहे. आयुक्तालय होऊन महिना उलटला तरी पहिल्या टप्प्यातील मान्यता मिळालेले पोलिस पिंपरी-चिंचवडसाठी वर्ग करण्यात आलेले नाहीत. किंबहूना आयुक्तालय झाल्यानंतर शहरातील ४०० पोलिस कमी झाल्याची माहिती समोर आली आहे.