राजकीय फटाके फुटणार!

पिंपरी – पिंपरी-चिंचवड शहरात लोकसभा निवडणुकीचे पडघम वाजायला सुरूवात झाली आहे. 1 नोव्हेंबर रोजी शिवसेनेचा कर्जत येथे पक्षप्रमुख उद्धव ठाकरे यांच्या उपस्थितीत मेळावा होणार आहे. तर 3 नोव्हेंबर रोजी भाजपने निगडी-प्राधिकरणात कार्यकर्ता मेळावा तर राष्ट्रवादी कॉंग्रेसने रहाटणी येथे कामगारांची परिषद घेत निवडणुकीचे रणशिंग फुंकण्याची रणनिती आखली आहे. यानिमित्ताने मुख्यमंत्री देवेंद्र फडणवीस आणि केंद्रीय कृषी मंत्री शरद पवार यांची एकाच दिवशी शहरात सभा होत असल्याने राजकीय वातावरण तापले आहे.