मुख्यमंत्र्यांची सभा ऐतिहासिक ठरणार; पालकमंत्री गिरीश बापट यांचा दावा

पिंपरी (Pclive7.com):-  प्राधिकरणातील मदनलाल धिंग्रा मैदान आजवर दुरवस्थेत आणि दुर्लक्षीत राहिले. त्याला आम्हीच जबाबदार असल्याची कबुली देत भाजपचे शहराध्यक्ष आमदार लक्ष्मण जगताप यांनी सभेच्या निमित्ताने मैदानाची दुरूस्ती केली असून यापुढे मैदान वापरात येईल, अशी माहिती दिली. तर, मावळ आणि शिरूर लोकसभा मतदार संघातील बारा तालुक्यातून पक्षाचे कार्यकर्ते मुख्यमंत्र्यांच्या सभेला हजेरी लावणार आहेत. सभेची संपूर्ण तयारी धिंग्रा मैदानावर केली असून ही सभा ऐतिहासिक सभा ठरणार असल्याचे पालकमंत्री गिरीश बापट यांनी पत्रकार परिषदेत सांगितले.