‘धावेल भारत, जोडेल भारत’ :सरदार पटेल यांच्या जयंतीनिमित्त ‘एकता दौड’ !

पिंपरी-चिंचवड: देशाचे पहिले गृहमंत्री सरदार वल्लभभाई पटेल यांच्या १४३ व्या जयंती निमित्त ३१ ऑक्टोबर रोजी देशभरात राष्ट्रीय एकता दौडचे आयोजन करण्यात आले आहे. पिंपरी-चिंचवड येथे देखील सरदार पटेल यांच्या जयंतीनिमित्त ‘राष्ट्रीय एकता दौड’चे आयोजन करण्यात आले आहे. बुधवारी ३१ रोजी सकाळी ६.३० वाजता राष्ट्रीय एकतेचा संदेश देण्यासाठी सरदार वल्लभभाई पटेल जयंती उत्सव समिती पिंपरी-चिंचवडतर्फे एकता दौड निघणार आहे. यावर्षी ‘धावेल भारत, जोडेल भारत’ असा संदेश देण्यात आला आहे. स्पाईन रोड, चिंतामणी चौक, वाल्हेकरवाडी मार्गे ही एकता दौड निघणार आहे. या एकता दौडमध्ये सर्व नागरिकांनी सहभागी व्हावे असे आवाहन संयोजक नगरसेवक नामदेव ढाके, नगरसेवक शितल उर्फ विजय शिंदे यांच्यावतीने करण्यात आले आहे.