कर्मचार्‍यांवर नव्हे तर अधिकार्‍यांवर कारवाई करा

पिंपरी चिंचवड : शास्तीकर व मिळकत वसुली निर्धारीत उद्दिष्ट वसुली न केल्याने महापालिकेच्या करसंकलन विभागातील 88 कर्मचार्‍यांना नोटीस बजावून त्यांच्यावर दंडात्मक कारवाई करण्यात आली. मात्र, ही कारवाई कर्मचार्‍यांवरच न करता त्यांच्यावर नियंत्रण ठेवणार्‍या संबंधित अधिकार्‍यांवर कारवाई करावी, अशी मागणी विरोधी पक्षनेते दत्ता साने यांनी केली. याबाबत महापालिका आयुक्त श्रावण हर्डिकर यांना पत्र देण्यात आले आहे.