महेश लांडगे अधिवेशनात लक्षवेधीद्वारे वेधणार शहरातील प्रलंबित प्रश्नांकडे सरकारचे लक्ष

पिंपरी :- पिंपरी चिंचवड नवनगर विकास प्राधिकरण क्षेत्रामधील वारस नोंदी करण्यासाठी भाडेपट्टाधारकांना होणा-या त्रासाकडे आमदार महेश लांडगे आगामी हिवाळी अधिवेशवात लक्षवेधीद्वारे सरकारचे लक्ष वेधणार आहेत. याबाबतची लक्षवेधी त्यांनी सादर केली आहे. तसेच शहरातील विस्कळीत पाणीपुरवठा, आरोग्य, शालेय क्रीडांगणे, सावित्रीबाई फुले विद्यापीठातील कारभाराकडे तारांकित प्रश्नाद्वारे आमदार लांडगे सरकारचे लक्ष वेधणार आहेत.