पिंपरी, आकुर्डी आणि निगडीतील अनधिकृत फलकांवर धडक कारवाई

चौफेर न्यूज – पिंपरी-चिंचवड – महापालिकेच्या अतिक्रमण विभागाने पिंपरी, आकुर्डी आणि निगडीतील अतिक्रमणावर तसेच अनधिकृत फलकांवर धडक कारवाई केली. अतिक्रमणाचे साहित्य, 54 फलकांवर कारवाई करण्यात आली. ’अ’ क्षेत्रीय कार्यालयाच्या कार्यक्षेत्रात असलेल्या परिसरात शगुन चौक, पिंपरी कॅम्प येथे विनापरवाना असलेल्या  अतिक्रमणावर धकड कारवाई केली. त्यामध्ये साहीत्य जप्त करुन कै. आण्णासाहेब मगर स्टेडीयम येथे जमा करण्यात आले आहे. लोखंडी स्टॅन्ड 1, लोखंडी जाळी 4, लाकडी खोके 1, मोढी छत्री 1, लोखंडी स्टुल 1, प्लस्टीक खुर्ची 1, प्लास्टीक स्टुल 3, आईस बॉक्स 1, प्लास्टीक कॅरट 1 जप्त करण्यात आले आहे.