पानगळीचे सौंदर्य ‘कॅनव्हासवर’

पिंपरी - झाडांवरून पडलेल्या पानगळीचे अस्तित्व ते काय...? पाचोळाच तो. पण, या पाचोळ्यातही दडलेलं सौंदर्य शोधण्याची एक कलात्मक दृष्टी असली तर त्यातूनही निसर्ग जिवंत होतो. बोलका होतो. पेन्सिल, रंग, ब्रश यांचा वापर न करता वाळलेली पाने, फुले यांच्यापासून पिंपळे सौदागर येथील ज्येष्ठ कवयित्री व चित्रकार अरुंधती तुळापूरकर यांनी अनोखी चित्रकृती साकारली आहे.