अबोल ‘ममतां’मुळे मडिगेरी यांना ‘लॉटरी’

पिंपरी-चिंचवड महापालिकेच्या स्थायी समितीच्या माजी अध्यक्षा ममता गायकवाड या नवख्या असल्याने त्यांनी आपल्या वर्षभराच्या कार्यकाळात सभा कामकाजात थेट सहभाग घेतला नाही. तसेच, त्यांच्या अबोल व्यक्तिमत्त्वामुळे अनुभवी सदस्य विलास मडिगेरी यांनी पक्षाचे वरिष्ठ पदाधिकारी व अधिकार्‍यांशी ताळमेळ ठेवत योग्य समन्वय ठेवला. त्यामुळे पहिल्या वर्षी झालेले वादंग शांत झाले. या सुकर कार्यपद्धतीमुळे त्यांना दुसर्‍या वर्षी थेट अध्यक्षपदाची ‘लॉटरी’ लागली आहे.