बोपखेल पुलाच्या निविदेच्या मुदतवाढीस न्यायालयाची मंजुरी

उच्च न्यायालयाने दिलेल्या आदेशानुसार काढलेल्या बोपखेल ते खडकी या मुळा नदीवर पुलाच्या कामासाठी पिंपरी-चिंचवड महापालिकेने काढलेल्या निविदेस प्रतिसाद न मिळाल्याने निविदेस मुदतवाढ देऊन ती दुसर्‍यांदा प्रसिद्ध केली आहे. त्यामुळे या प्रक्रियेस मुंबई उच्च न्यायालयानेही मुदतवाढ दिली आहे. परिणामी, पुलाचे निविदा प्रक्रिया पूर्ण होऊन स्थायी समितीची मान्यता घेऊन काम आचारसंहितेनंतर सुरू होण्याची शक्यता आहे.