पिंपरी ते निगडी मार्गावरही ‘मेट्रो’

पिंपरी ते निगडी मार्गावरही ‘मेट्रो’: स्वारगेट ते पिंपरीनंतर आता पिंपरी ते निगडी मार्गावर मेट्रो धावण्याचा मार्ग खुला झाला आहे. दिल्ली मेट्रो रेल कॉर्पोरेशनच्या (डीएमआरसी) उच्चपदस्थ अधिकाऱ्यांनी त्यास तत्वतः मंजुरी दिली. उड्डाणपूल आणि ग्रेडसेपरेटरमुळे पिंपरी-चिंचवडमधील मेट्रो मार्गिकेचे नव्याने तांत्रिक सर्वेक्षण करण्याच्या सूचनाही त्यांनी केल्या आहेत, अशी माहिती महापालिका आयुक्त डॉ. श्रीकर परदेशी यांनी बुधवारी पत्रकार परिषदेत दिली.