खुनाचा बदला म्हणूनच खून

खुनाचा बदला म्हणूनच खून: पिंपरी । दि. ३0 (प्रतिनिधी)

गोट्या ऊर्फ सचिन कुंडलिक धावडे (३१) आणि अंकुश रामदास लाडके (२१, दोघेही रा. धावडेवस्ती, भोसरी) या दोघांच्या खूनप्रकरणाचा उलगडा करण्यात भोसरी पोलिसांना यश आले. भाजपचे तत्कालीन शहराध्यक्ष अंकुश लांडगे यांच्या सहा वर्षांपूर्वीच्या खुनाचा बदला घेण्यासाठीच गोट्याचा खून झाल्याचे तपासात स्पष्ट झाले आहे. लांडगे यांचा मुलगा राहुल याच्यासह दोन साथीदारांना अटक केली आहे.

अंकुश लाडके आरोपींसमवेतच आला होता. राहुल लांडगे याने केलेल्या क्रॉस गोळीबारात तो मारला गेल्याची माहिती पोलिसांनी दिली. आरोपींना पिंपरी न्यायालयात हजर केले असता त्यांना ७ डिसेंबरपर्यंत पोलीस कोठडी सुनावण्यात आली आहे.