चाकणमध्ये पोह्यात आढळली उंदरांची पिल्ले!

चाकणमध्ये पोह्यात आढळली उंदरांची पिल्ले!: चाकण, जि. पुणे। दि. ८ (वार्ताहर)

कामगारांना देण्यात येणार्‍या पोह्यामध्ये उंदरांची पिल्ले आढळून आल्याने ७६ कामगारांना विषबाधा झाली आहे. हा प्रकार औद्योगिक वसाहतीतील हुंडाई कन्स्ट्रक्शन इक्विपमेंट प्रा. लि. या कंपनीत आज सकाळी घडला. बाधीत कामगारांना पवना हॉस्पिटलमध्ये दाखल केले असून, धनाजी जोगदंड हा कामगार अत्यवस्थ आहे. उर्वरित ५९ कामगारांची प्रकृती सामान्य असल्याचे डॉक्टरांनी सांगितले.

अधिक रिसॉर्टस् प्रा. लि. या केटरिंग कंपनीकडून या कंपनीत नाष्टा पुरवला जातो. आज सकाळी ९ वाजता पहिल्या पाळीतील कामगारांना पोह्याचा नाष्टा दिला असता तीन प्लेटमध्ये उंदरांची पिल्ले आढळली. ती पोह्यात शिजून निघल्याने अन्नात विषबाधा झाली. कंपनीचे अधिकारी कृष्णांत दिनकर पाटील (३२) यांनी दिलेल्या तक्रारीवरुन पोलिसांत गुन्हा दाखल करण्यात आला आहे.