नवीन ११ पोलीस ठाणी होणार

नवीन ११ पोलीस ठाणी होणार: - वर्षअखेरीस मिळणार अधिक मनुष्यबळ
पुणे। दि. १६ (प्रतिनिधी)

पुणे शहर पोलीस दलाच्या हद्दीत वाढ झाल्याने शासनाकडे नव्या ११ पोलीस ठाण्यांचा प्रस्ताव पाठविला असून येत्या वर्षाअखेरीस अकराशेहून अधिक पोलीस कर्मचारी मिळण्याची शक्यता असल्याचे पोलीस आयुक्त गुलाबराव पोळ यांनी सांगितले.

शहर पोलीस दलातील रिक्त असलेल्या १४१ पोलीस कर्मचार्‍यांच्या भरतीची प्रक्रिया १३ मे पासून शिवाजीनगर येथील पोलीस मुख्यालयात सुरु झाली आहे. या भरतीची पाहणी पोलीस आयुक्त गुलाबराव पोळ यांनी आज केली. यावेळी ते पत्रकारांशी बोलत होते. यावेळी सहआयुक्त संजीवकुमार सिंघल, अतिरिक्त पोलीस आयुक्त अब्दूर रहमान, उपायुक्त जे. जे. नाईकनवरे आदी उपस्थित होते.