पीएमपी कर्मचार्‍यांना सानुग्रह अनुदान नाही

पिंपरी : पीएमपीमधील पूर्व पीसीएमटी कर्मचार्‍यांना सानुग्रह अनुदान व बक्षीस यासाठी ५ कोटी रुपये देण्याचा प्रस्ताव महापालिका सभेत बुधवारी दप्तरी दाखल करण्यात आला. राज्य शासनाच्या निर्देशानुसार पीएमपीला सर्व देय रकमा दिल्याने वेगळा निधी देण्याची गरज नसल्याचे महापालिका आयुक्त डॉ. श्रीकर परदेशी यांनी स्पष्ट केले. त्यामुळे स्थायी समितीची मंजुरी असूनही कर्मचार्‍यांना सानुग्रह अनुदान मिळणे अशक्य आहे.