कर्मचाऱ्यांना पदे नव्हे, वेतनश्रेणी मिळणार!

• आयुक्‍त घेणार बैठक ः 12/24 चा लाभ प्रत्येकाला मिळणार

पिंपरी, (प्रतिनिधी) – महापालिकेतील अधिकारी व कर्मचाऱ्यांना दोन ते तीन वर्षे झाले, 12/24 सेवेच्या लाभांपासून वंचित ठेवले जात होते. याबाबत महापालिका प्रशासनाच्या दिरंगाईमुळे पदे रिक्‍त नसल्याने कित्येक दिवस पदोन्नती देण्यावाचून भिंजत घोंगडे राहिले होते. मात्र, कर्मचारी महासंघाचा पाठपुराव्याने महापालिकेतील वर्ग 3 व 4 च्या अधिकारी, कर्मचाऱ्यांना लवकरच 12/24 सेवेचा लाभ मिळणार आहे. याविषयी आयुक्‍त श्रावण हर्डीकर यांनी बैठक बोलविली असून, सुमारे 600 कर्मचाऱ्यांना वरिष्ठ पदाच्या वेतनश्रेणीचा लाभ मिळणार आहे.